Sección Competitiva

Albino é unha historia de amor tráxica e colonialista, que nace da procura da identidade dun albino filipino, nun pasado imaxinario á beira do lago Taal. O albino cre ser fillo dun americano, polo que tratará de aprender inglés mediante un dicionario. O seu pobo enfróntase ao éxodo debido a dubidosos acontecementos, como a aparición de quenllas, mortes e explosións inexplicables.

Contacto
Gym Lumbera
dionisiosandovaljunior@yahoo.com

"Nun entrar do home na paisaxe e da paisaxe no home creouse a vida eterna de Galiza" - Castelao

A Costa da Morte é unha rexión de Galicia que foi considerada a fin do mundo durante o Imperio Romano. O seu dramático nome provén dos numerosos naufraxios que sucederon ao longo da historia nesta área feita de rochas, brétemas e temporais. Atravesamos esta terra observando as persoas que a habitan: pescadores, mariscadores, madeireiros...

Somos testemuñas do traballo que realizan, co cal manteñen á vez unha relación íntima e unha batalla antagónica coa inmensidade do territorio. O vento, a pedra, o mar, o lume, son personaxes neste filme, e a través deles achegámonos ao misterio que supón a paisaxe, entendida como unha unidade xunto ao home, a historia e o mito.

Contacto
Zeitun Films
info@zeitunfilms.com

"Ao comezo as mulleres vivían aparte, sen coñecer a existencia dos homes. Ata que un día a primeira muller, Toli, que era valente e ousada, penetrou no corazón da selva. Alí descubriu criaturas solitarias de fortes músculos que sabían subir ás árbores e colleitar mel silvestre. Cando Toli probou o mel, pensou que homes e mulleres debían vivir todos xuntos... "

Así reza unha das historias sobre A Creación dos Aka, tribo da selva tropical da conca do Congo. O filme segue de preto a súa vida en comunidade e a práctica da súa espiritualidade ao longo de varios anos e nas situacións máis difíciles. A súa relixión lúdica e imaxinativa, podería tratarse dunha das máis antigas practicadas hoxe en día na terra.

Contacto
www.forestofthedancingspirits.com

Por enriba da xungla nepalí, os peregrinos realizan unha viaxe ancestral en teleférico para chegar ao templo de Manakamana.

Contacto
www.manakamanafilm.com

Ricardo Bär é un mozo que vive coa súa familia nunha granxa, preto da fronteira entre Arxentina e Brasil. Ao seu redor só existe a selva e os colonos, descendentes de inmigrantes alemáns. Ricardo non quere herdar a terra do pai, el quere converterse en pastor protestante. Empezamos a filmalo, pero un día el e a comunidade bótannos do lugar.
Ricardo Bär conta dúas historias: a da negociación para poder facer o filme, e a de Ricardo, que como todos os anos ensaia o seu papel no pesebre vivente, mira unha película con Mel Gibson, mete un lechón de cabeza nunha bolsa, practica un sermón na súa clase de retórica, trata de camiñar sobre o auga nunha pileta nun campamento de mozos cristiáns, reza e pensa que facer, mentres actúa na película que leva por título o seu nome.

Contacto
Nele Wohlatz
nele@wohlatz.eu

Sara é unha rapariga pertencente a unha familia de gandeiros. Os seus pais educan aos seus doce fillos na súa propia casa, seguindo con rigor os preceptos da Biblia. Do mesmo xeito que ás súas irmás, a Sara ensínaselle a ser unha muller devota e sumisa e a manter a súa pureza física e emocional ata chegar ao matrimonio. Cando aparece Colby, un mozo afeccionado ao rodeo, Sara atravesa unha crise que a leva a cuestionar o único modo de vida que coñece. Stop the Pounding Heart é un sorprendente retrato da América de hoxe en día e das comunidades illadas que existen diseminadas na súa paisaxe. Tamén é un estudo sobre a adolescencia, a familia e os valores sociais, os roles de xénero e a relixión nas zonas rurais do sur de América.

Contacto
Doc & Film International
sales@docandfilm.com