Cinema Galego

A Raia é a fronteira que divide o sudeste de Galicia (España) do noroeste de Portugal. Zona montañosa, de climatoloxía extrema, terra de interior, terra de labregos. Os pobos desta zona foron esquecidos historicamente na periferia de ambas as dúas nacións. Esta e outras circunstancias fixeron e fan desta terra un ámbito e unhas xentes moi especiais; cunha historia tan valiosa como descoñecida.

Contacto
Iván Castiñeiras
ivan.castineiras@gmail.com

En Camping Wesertal, un terreo dun par de hectáreas preto de Eupen, unha pequena vila da rexión xermano-francófona de Bélxica, deben convivir e entenderse durante todo o ano, o seu propietario, Jacques Doum -un vello mercader de petróleo- e os habitantes que alí chegaron para instalar as súas caravanas coma vivendas. Esta película trata de achegarse á poética do día a día desas persoas. Camping Wesertal é un Western Documental Valón, emplazado no Val do Vesdre, en pleno século XXI.

Contacto
Hugo Amoedo
hugoamoedocanal@gmail.com

Novo episodio das peripecias do 'enfant sauvage' Gaspar Hauser, acompañado do seu inseparable e querido cabaliño de madeira. Suxeito imposible, Gaspar ten nesta ocasión a personalidade fragmentada en cinco personaxes arquetípicos: un anano sadomasoquista, unha sedutora doncela, un tipo cínico e déspota, un mariñeiro romántico e un batman patético, encarnado este último polo propio director da película. Un antiheroe de bata e zapatillas, fumador compulsivo, que representa a inadaptación na que está inserido o home decepcionado, o home que pensa, o home que é deste mundo sen selo.

Contacto
Zeitun Films
www.zeitunfilms.com

O autor emprega a filmación minuciosa do seu traballo na construción como metáfora para reflexionar sobre a propia construción da súa nova identidade como emigrante/inmigrante. A peza combina situacións laborais con escenas domésticas e de lecer, trazando paralelismos entre a súa aprendizaxe coma obreiro, como inmigrante e como cineasta.

Contacto
Eloy Domínguez Serén
eloydseren@gmail.com

O traballo xira en torno á observación da cidade de Vigo como escenario habitado por persoas, animais e elementos inanimados nunha constante transformación. Imaxes, sons e música describindo dende un punto de vista subxectivo a cidade como espazo de convivencia e relación.

Contacto
Adarme Visual
correo@adarmevisual.com

As discusións desa noite veranse confrontadas máis adiante coa súa posta en tela de xuízo polos protagonistas do filme: cinco amigos anónimos que non son xa nin adolescentes nin militantes comunistas. Porén, intentan igualmente enfrontarse ao estado das cousas, coma no seu momento os protagonistas da novela de Weiss.

Contacto
Ramiro Ledo
www.ramiroledo.com

De entre as distintas olas migratorias que viviu Barcelona, destaca a dos anos sesenta, cando chegaron á cidade decenas de miles de habitantes procedentes na súa maioría do campo español. Eses mozos traballadores daquela son na actualidade cidadáns xubilados que, a pesar de levar máis de media vida na cidade, non esquecen as súas orixes no mundo rural. Son precisamente algúns deles, que ante a xubilación deciden cultivar as terras abandonadas que van aparecendo nos sobrantes e baleiros que van deixando as grandes infraestruturas e a industria na periferia da cidade, alí onde os mecanismos de control son máis flexibles.

Aparecendo así, diferentes “hortas urbanas”, lugares que albergan a memoria e o xeito de facer de toda unha xeración que sufriu un éxodo rural. E que á vez cuestiona a nosa mesma imaxe da cidade

Contacto
José Antonio Canosa Vaquero
nacho.canosa@gmail.com