Unha elexía sen sentimentalismos sobre o Oeste americano, Sweetgrass documenta aos últimos vaqueiros dos nosos días mentres levan os seus rabaños a pastar durante o verán nas fermosas pero perigosas montañas Absaroka-Beartooth en Montana. Esta película, extrema na súa beleza pero ao mesmo tempo brutal na súa veracidade, preséntanos un mundo no cal a natureza e a cultura, os animais e os humanos, e a vulnerabilidade e a violencia entrelázanse intimamente.